respice adspice prospice

Անցյալդ ու ապագադ պայքարի են ելել,

Հիմա, հիմա, հիմա,

Հիմա, հիմա, հիմա:

 

Անցյալդ էլ ավելի փոփոխական է,

Քան՝ ապագադ.

Հիմա:

 

Թարթման պահն էլ մահվան ազդանշանն է.

Հիմա, հիմա:

 

Օղին էլ հալեցնում է անցյալս ակնթարթ առ ակնթարթ:

Հիմա:

 

Իմաստն էլ մագնիսոտվում է ներկային.

Կառչել ու պոկ չի գալիս.

Արա՛ դա:

 

Ե՞րբ. երե՞կ, վա՞ղը, տասներկու տարեկան հասակո՞ւմ:

 

Չեմ թարթի, արթուն կլինեմ, մինչ կկկոցես,

Կթարթես ու կգծես անցյալի ու ապագայի ջրբաժանը:

Ցավոք՝ ես կհաղթեմ այդ պայքարում,

Չեմ տարանջատի անցյալն ու ապագան,

Այլ կխառնեմ իրար՝

Մի նոր տարածաժամանակաշրջան ստեղծելով:

 

Դու կկկոցես, ես՝ չէ:

 

Դու մեր սահմանը կգծես,

Ես կթքեմ սահմանի վրա:

Դու ուղղություն ցույց կտաս,

Ես հակառակը կանեմ:

 

Ու զկրտոցս էլ կծու բիբարից չէ,

Այլ՝ մոռացել եմ աչքերս թարթել,

Արթնացել ու չեմ հանգչում:

 

 

Ներկան էլ փոփոխվեց,

Հիմա, հիմա, հիմա, հիմա

Հիմա, հիմար, հիմա, հիմա,

Զկրտ, հիմա, հիմա,

Թարթ, հիմա,

Կկոց: